بسمة وهبة: اللي مش قادر يطلع الساحل الشمالي مش لازم يروح هناك ووفروا فلوسكوا

أعربت الإعلامية بسمة وهبة عن استيائها بسبب الهجوم على المتوجهين إلى الساحل الشمالي.

وقالت بسمة وهبة، خلال برنامجها "90 دقيقة"، المذاع على قناة المحور: "موسم الهجوم بدأ، رغم أنها أجمل وأحلى منطقة بنحبها، وهي ملجأ للمصطافين والسياح، والهجوم الذي أقصده هو مقاطع الفيديو المتداولة على السوشيال ميديا".

وأضافت: "البعض يقولون مين سافر بالعربية ومين عنده إيه ومين سهر فين، وحفل مين بكم، للأسف في ناس فاضيين ومحدش شايفهم وقاعدين بيتسلوا".

وتابعت: "أنتوا بتتسببوا في أذى لبلدكم، لأنكم بتطفشوا السياح والسياحة، وفي ناس بتقضوا عليهم من موظفين وعمال، أكل عيشهم في الـ 3 شهور دول، ولو أنت مش قادر تطلع الساحل متروحش هناك، مش لازم تروح هناك".