«اتنشرت غلط».. محامي إيمان البحر درويش يفجر مفاجأة غير متوقعة بشأن الصورة المتداولة له
كشف أحمد مهران، محامي الفنان إيمان البحر درويش، عن تفاصيل الحالة الصحية للفنان، بعد الصورة التي نشرتها له ابنته وهو في حالة غير جيدة.
وقال مهران، في مداخلة هاتفية لبرنامج "يحدث في مصر"، المذاع على قناة إم بي سي مصر: "كانت فين كل الناس دي أنها تسأل على الفنان خلال الفترة اللي فاتت، ده واحد من أهم وألمع النجوم في الوطن العربي".
وأضاف: "الفنان مر بأزمات كتير أوي خلال الفترة اللي فاتت، والصورة المتداولة دي من سنتين وحالته الصحية كويسه دلوقتي، واتنشرت في توقيت غلط، في ناس كتير بتحاول تصنع فتن وتختلق أحداث، وكل اللي اتقال دلوقتي كذب فين الناس اللي بتسأل".
وتابع: "أنا تواصلت مع الفنان من حوالي أسبوعين، وحالته الصحية جيدة، كان بيخضع للعلاج الطبيعي وكويس دلوقتي".
