ياسمين عز: الفرعون الزملكاوي الله يكون في عونه شايل فوق طاقته

وجهت الإعلامية ياسمين عز، رسالة إلى الزوجات عن كيفية التعامل مع زوجها مشجع النادي الزمالك، قائلة: "الفرعون الزملكاوي الله يكون فى عونه، شايل فوق طاقته، ومحتاج معاملة خاصة".

وقالت ياسمين عز خلال برنامجها "كلام الناس"، المذاع على قناة إم بى سى مصر: "بغض النظر عن نتيجة الهزيمة أمام الأهلي الفرعون الزملكاوي عنده أزمة ثقة في أقرب الناس ليه من بداية الموسم".

وأضافت ياسمين عز: الزملكاوي اللي شاريه باعه وخانته ثقته في كل أحبابه، واللاعيبة سابت النادى ومشيت بلاش تقفي له على الواحدة ولو مسك تليفونك قوليله خد راحتك ولو نزل في أي وقت متسأليهوش رايح فين وجاي منين ولو رفض تنزلي تقولي له حاضر".