شاهد .. إيناس النجار تكشف جنسيتها الحقيقية

حلت الفنانة إيناس النجار ضيفة على برنامج "من غير نفسنة" ،الذي يعرض على شاشة '' هي ''، وكشفت من خلاله عن تفاصيل جنسيتها الحقيقية.

وقالت '' إيناس '' في برنامجها ''من غير نفسنة'' والذي تقدمه بصحبة الفنانة إنتصار ونوليا، عبر شاشة قناة هي:''إنها تحمل الجنسية التونسية وليست المصرية، بجانب حديثها عن تفاصيل بدايتها الفنية''.

وتابعت: ''بدأت تمثيل من بدري أوي وأنا صغيرة من سنة 2003 كنت طفلة كان عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين''.

وواصلت إيناس : ''والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة''.

واختتمت إيناس النجار: ''أستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وهنسبك بنتي فنيًا''.