ياسمين عز تُحذر السيدات من اصطحاب حلة ورق العنب في المصيف: «فرعونك هيعكنن عليكي»

أوضحت الإعلامية ياسمين عز، السبب وراء اصطحاب السيدات "حلة ورق العنب" عند السفر إلى الساحل الشمالي أو المصيف.

وخلال تقديمها برنامج "كلام الناس" المذاع اليوم الخميس عبر فضائية "إم بي سي مصر"، قالت ياسمين عز، إن غالبية الناس توجهت إلى المصيف وهناك من ذهب لزيارة العائلة في الريف.

وقالت: "من النهاردة ليوم الأحد إجازة 4 أيام، في اللي راح جمصة والساحل الشكالي وإسكندرية ورأس البر ومرسى مطروح الكل مقضيها عوم وبلبطة، ومدام إنتي مسافرة ليه واخده معاكي حلة ورق العنب".

وتساءلت عن السبب وراء اصطحاب السيدات "حلة ورق العنب" إلى المصيف، مضيفة: "معاكي إنك تكوني موفرة لأن الأسعار في كل حتة غالية ومفيش أي مشكلة في الأكل اللي تأخديه معاكي لكن ليه الحلة دي وبعدين هتجيبي شوربة تسقي ورق العنب منين يا روح قلبي".

وتابعت: "تخيلي شايلة الحلة على قلبك من القاهرة لغاية المصيف وبعدين تعمليها بالمرقة وتطلع مش حلوة، يقوم فرعونك حبيبك يقفش وأنتي تزعلي وتقوموا تعكننوا عليكم وعلى العيال والمصيف يتحول لمأساة وكل دا عشان حضرتك طلبت معاكي حلة ورق العنب".