رامي جمال: أنا مش شيخ وكل شغلانة فيها الحلال والحرام

أكد الفنان رامى جمال، رفضه الغناء في أماكن فيها شرب خمور أو راقصات، قائلا: "فكرة أني أغني في أماكن فيها شرب خمور برفض وعندي تحفظات على حاجات معينة وبرفض الرقاصات برضو ومتطلعش الرقاصة معايا في فقرتي في حفلة أو فرح".

وأضاف رامي جمال، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أنا أفضل أت يكون لى الاستحواذ والاهتمام أثناء الغناء، لذلك لا أفضل وجود راقصات معى، مضيفا: "لو اتعمل لي مفاجأة بوجود راقصة في فرح بمشى، والرقص فن في ناس بتحبه ولكن متطلعش معايا.

ورد رامي جمال، على موقفه من تحريم الفن، قائلا: "أنا مش شيخ وأنا شايف كل الشغلات فيها الحلال والحرام وفي شبهات ممكن الواحد يتجنبها ومش عايز أحدد الشبهات عشان لو في زملاء بيعملوها، واللي يحلل ويحرم الشيوخ.