رامي جمال: «قولت لمراتي تغني بس مش هنتجوز وعندي مشكلة في الإنجاب»
تحدث رامي جمال خلال لقاء له مع الإعلامية أسما إبراهيم في برنامج «حبر سري»، المُذاع عبر شاشة «القاهرة والناس»، عن رأيه في اتجاه زوجته للغناء.
وتابع رامي جمال: "أنا كان عندي مشكلة، عايز الست بتاعتي أكون أنا الاهتمام الأكبر في حياتها، الفن بيسرق العمر، وعايز وأنا عمري بيتسرق يبقى معايا اللي بحبها في إيدي، مش أنا مسروق في حتة وهي في حتة، وقولتها قبل ما نتجوز اكتبيلك أغنيتن تلاتة ولو نجحتي فيها جامد كملي لكن مش هنتجوز".
كما كشف رامي جمال أنه يعاني من مشكلة في الإنجاب، إذ قال:" أنا عرفت إن عندي مشكلة في الإنجاب، أكيد نفسي في حد يكمل اسمي، لكن الحمد لله من نعم ربنا إنه يرضيك بكل حاجة، وكنت بخاف على ناريمان تتأذى من الموضوع، وقلت لها إحنا عايشين مرة واحدة، مفيش وقت تعملي جدع وتضيعي على نفسك حلم الأمومة".
واستكمل: "ردت عليا بنفس الكلمة، كل أنواع الرزق بتيجي لكل شخص لوحده، إلا الخلفة رزق مربوط لإثنين".
