الرئيس السيسي: «مش هدي بطاقة تموين لأي حد يتجوز تاني»
قال الرئيس عبدالفتاح السيسي :"لن نضع بطاقة تموين لأكثر من فردين في اللي فات وفي الجديد لا مفيش".
وأضاف الرئيس السيسي خلال افتتاح عدد من المشروعات القومية بمحافظة أسيوط: " لا يمكن هدي بطاقة تموين تاني لحد بيتجوز لأنك بتبقا بتتجوز ومستني إن الدولة تديك بطاقة تموين .. انت مش قادر تصرف إزاى يعنى ده كلام مش مظبوط.. دي ثقافة اتشكلت في وجدان الناس مش موجودة في غير بلدنا احنا بس".
وتابع الرئيس: "ان اشترى الحاجة أقل من ثمنها وكمان لما أخلف أخلي حد يأكلي عيالي ، ده في البلد دي بس ، علشان كده البلد مقدرتش تقوم خلال السنوات اللي فاتت".
وأشار الرئيس قائلا: أنا بسجل الكلام اللي بقوله للتاريخ وأي قضية خطيرة أن لا يكون هناك أرضية فهم مشترك للواقع .
وكشف قائلا: كنت في أسوان بعد موضوع السيول ، وسيدة قالتلي أنا مش عارفة أعيش وعندي 6 أولا د وفعلا الإنفاق على 6 أولاد كتير وصعب ، مطالبهم رقم كبير.
واستطرد الرئيس عبد الفتاح السيسي ، أن الأرض الزراعية هي فرصة عمل متاحة عندما تحولها لسكن تخسر فرصة العمل.
واكد الرئيس قائلا: : لا يمكن هدي بطاقة تموين لحد بيجوز تاني.
وقال الرئيس عبد الفتاح السيسي ، إنه من الضروري ،رفع الوعي بخطورة البناء على الأراضي الزراعية .
وتابع : نحتاج للتعاون لمواجهة الزيادة السكانية واحنا بنتحرك عشان نضيف للأرض الزراعية ونوفي مطالب المصريين للغذاء .
ويفتتح الرئيس عبد الفتاح السيسي اليوم مجمع إنتاج البنزين بشركة أسيوط لتكرير البترول بالإضافة إلى عدد من المشروعات التنموية الأخرى في نطاق الصعيد.
وقال السفير بسام راضي المتحدث الرسمي باسم رئاسة الجمهورية: إن مجمع أسيوط لإنتاج البنزين يعتبر أحد مشروعات الدولة الإستراتيجية في إطار خطط التنمية بصعيد مصر.
وأضاف راضي: ويُعد مجمع أسيوط أكبر مجمع بترولي في الوجه القبلي، ويهدف لتأمين إمدادات البنزين لأهالي محافظات الصعيد وتوفير تكلفة نقله من معامل التكرير القائمة بالقاهرة والإسكندرية والسويس لمناطق الصعيد المختلفة.
