مدحت العدل: محمد رمضان بطل من غير جناحين وشبه الغلابة
كشف الدكتور والسيناريست مدحت العدل عن رأيه في تجسيد محمد رمضان لبطولة فيلم "ع الزيرو".
وعن فكرة الفيلم، قال مدحت العدل، خلال لقاء مع برنامج "رؤيا مصر": "ببساطة محمد رمضان في الفيلم شبه كل العالم دلوقتي في الطبقات رقيقة الحال اللي أبطاله علشان بيعرفوا يعيشوا وبنعمله في إطار لذيذ بدون كآبة".
وخلال اللقاء كشف العدل عن رسالة الفيلم قائلا: "البطل مش لازم يبقى طاير بجناحين أو سوبر مان والناس العادية كلها أبطال".
وتحدث العدل أيضا عن المنافسة مع محمد هنيدي وأفلام الصيف، حيث أوضح أنها مهمة حتى يخرج منتج جيد للجمهور، مضيفا: "أهلا وسهلا بالمنافسة وكل ما يكون في منافسة كلنا هنجود علشان نطلع حاجة أحلى للناس".
وكشف العدل خلال حديثه عن رأيه في موضوع تصدر الفيلم لشباك الإيرادات قائلا: "احنا بنكتب اللي مؤمنين بيه ومصدقينه وسيبك من الثقة، ما احنا عملنا أفلام منجحتش وكانت بطولة نجوم كبار عادي يعني فالشباك والحاجات دي بتاعت ربنا".
فيلم "ع الزيرو" تأليف الدكتور مدحت العدل، إخراج ماندو العدل، إنتاج جمال العدل، بطولة محمد رمضان، نيللي كريم، جومانا مراد، إسلام إبراهيم، شريف دسوقي، الطفل منذر مهران.
وتدور أحداث الفيلم في إطار اجتماعي، حول رجل يعاني نجله من مرض خطير، يحاول إنقاذه، الأمر الذي يتطلب إجرائه عملية كبيرة تتكلف أكثر من مليون جنيه، ليعيش الجمهور معه محاولاته العثور على المال بطرق مختلفة.
