بدرية طلبة: «الناس بقت تعمل أي حاجة علشان تبقى تريند»
وجهت الفنانة بدرية طلبة انتقاد شديد لأفعال الأشخاص الذين يسعون للوصول إلى التريند بأي وسيلة.
وقالت بدرية طلبة في برنامجها من غير نفسنة الذي يشاركها في تقديمه كلًا من انتصار ونوليا، ويذاع على شاشة قناة هي: "أي حد بقى يطلع يعمل أي حاجة علشان يبقى تريند، زي مثلًا بتاع الكشري هو على راسي، بس إحنا عارفين إنه بيحلو علشان يطلع تريند نقوم إحنا نساعده، يعني نخلي اللي بعده يعمل أي عبط علشان يطلع تريند وإحنا نساعده، اللي طالع في السوق خالف تعرف، أنا كيان كده لوحدي تريند متحرك، وأنا أكتر واحدة بتتقلد مشاهدها على التيك توك".
وتابعت: "لما البرامج بتستضيف حد معملش حاجة خالص، الباقي بيقولوا ما نعمل زيه، المهم يكتبوا اسمي، بتاع الكشري ده جاب منين العربية والتليفون اللي معدي الـ 40 ألف جنيه، جيبوه واسألوه جاب كل ده منين، الإعلام لو معبرش الناس دي هتتلم، ومش هيبقى شكلنا وحش أوي قدام الدول، وبشوف تعليقات قاسية أوي".
