مفيدة شيحة: «لو مندوب توصيل قال لي هتلبسي ده فين هضربه قلمين على وشه»
كشفت الإعلامية مفيدة شيحة، تفاصيل واقعة "مندوب الديلفري"، التي اجتاحت السوشيال ميديا خلال الأيام الماضية، لافتة الى أن مواقع التواصل الاجتماعي اشتعلت بالتعليقات بسبب تصرف المندوب مع صاحبة الطلب.
وانتقدت «شيحة» خلال برنامجها «الستات» عبر قناة «النهار»، اليوم الثلاثاء، «الترند»، مشددة على أن تصرف «مندوب الديلفري» يعد تجسسًا، وضد الدين.
وأوضحت أن الواقعة تعد اختراقًا للخصوصية، وتصرفًا غير أمين، كما هاجمت «صاحبة» الواقعة وزوجها لموقفهما تجاه تصرف مندوب التوصيل، إضافة إلى نشر القصة على مواقع التواصل الاجتماعي.
وتابعت: «أنا لو مندوب توصيل قالي الفستان اللي انتي جايباه هتلبسيه فين، هقوله أي شيء عشان يجيلي وأشوفه بنفسي، وساعتها كنت هضربه قلمين على وشه، أو هبلغ عنه الشرطة».
بدأت القصة، بنشر فتاة تفاصيل استلامها منتجا من الإنترنت، عبر حسابها على موقع التواصل الاجتماعي «فيسبوك».
وحكت صاحبة الحساب، أنها طلبت قطعة ملابس عبر الإنترنت «حاجة تخص لبس البيت، بس ممكن تتلبس خارج البيت وتكون غير شرعية».
وقالت إنها فوجئت بمندوب التوصيل يهاتفها بعد يومين لسؤالها عن عنوانها، وحاول اختصار الحديث بينهما قدر الإمكان، إذ طلب منها كتابة التفاصيل في رسالة عبر «واتساب».
وأضافت: «بعدها لقيت البنوتة اللي أنا طلبت منها الحاجة بتكلمني وسألتني: هتلبسي الحاجة دي خارج البيت، فقلتلها لا».
وكشفت أن موظفة البيع عبر الإنترنت قالت لها: «آسفة بس المندوب لما شاف محتوى الشنطة قلق لأنه مش بيوصل أي حاجة غير شرعية، وكمان سألني هل عرّفتك العيب في المنتج ولا لا علشان الأمانة، فعرفته إني مبلغاكي بيه وإني منزلة في سعره علشان كده».
وختمت: «بصراحة اندهشت جدا من تصرف المندوب وحرصه على عدم الوقوع في أي مخالفة واتقائه لله سبحانه وتعالى في شغله، رغم إن أي مندوب أسهل كلمة عنده يقول أنا مجرد مندوب بيوصل الأوردر مليش دعوة بالأوردر نفسه».
