محمد العمروسي: محمد رمضان ناجح مع الناس ونجاحه مش مزيف

كشف الفنان محمد العمروسي، عن سبب حبه للفنان محمد رمضان وإعجابه بمسلسل "جعفر العمدة" قائلا: "محمد من الناس المجتهدة جدا، والموهبة مش من قريب لا هو موهوب من الصغر، محمد ليه تأثير مهم".

وتحدث العمروسي، عن رأيه في الانتقادات التي يتعرض لها محمد رمضان بشكل دائم خلال حواره مع الإعلامي شريف عبد الرؤوف في برنامج" on the top" المذاع عبر قناة الشمس، قائلا: "مفيش حد كامل ومفيش بني آدم كامل أكيد كلنا فينا عيوب بس احنا بنقيس الإنسان أو البني آدم اللي بيبقي في حياتنا مميزاته أعلى من عيوبه ولا عيوبه أعلى من مميزاته محمد مميزاته كتير، محمد على المستوى الشخصي إنسان محترم".

وتابع: "محمد ناجح مع الناس ونجاحه ملموس مش نجاح مزيف، احنا بنسمع ناس غريبة جدا ولما الاقي محمد عامل حاجه حلوة ابقى معاه".