محمد العمروسي يكشف سبب مقاضاته لمهاجمين الشعراوي

كشف الفنان محمد العمروسي سبب رفعه قضية على مهاجمين الشيخ الشعراوي قائلا: "اني اتكلم عن رجل دين فضيلة الشيخ الشعراوي لا أنا ملمش المنطقة دي إنك تتكلم عن رجل دين وكان مأثر في الوطن العربي كله بشكل لا يليق أخلاقيا ودينيا وثالثا مش موجود أنت بتغتاب حد مش موجود أترحم عليه وخلاص".

وأضاف العمروسي عن تعامله مع التنمر والتعليقات السلبية على السوشيال خلال حواره مع الإعلامي شريف عبد الرؤوف في برنامج "on the top" المذاع عبر قناة الشمس قائلا: "أنا محبش إن حد يتكلم عن حد بشكل غير لائق لأننا العالم كله بيسمعنا وبيتفرج علينا، لازم نحسن صورتنا من بعض، لازم نبقى واخدين بالنا إن مش أنا بس اللي هشوف التعليقات السخيفة ، فلما تتكلم عن شخصية بشكل سلبي أنت كده بتدمر وجهة مصر كلها".

وتابع: "العالم كله بيتفرج عليك، عايز تفرج إيه للعالم، إحنا عندنا مشكلة كبيرة في سوء الاستخدام، التكنولوجيا اتعملت علشان تخلينا للأفضل، احنا مبنستخدمهاش صح بنستخدمها وخلاص، بنستخدمها لمصلحتنا وده سوء استخدام".