«هتلحس الموبايل».. اليابان تبهر العالم بشاشة لتذوق الطعام «فيديو»
قال الإعلامي عمرو أديب، إن اليابان استطاعت لأول مرة إنتاج شاشة إلكترونية غريبة، تجعل الشخص قادرًا على تذوق الطعام.
وأكمل أديب، خلال تقديمه برنامج «الحكاية»، المذاع عبر «إم بي سي مصر»: «في أحد العلماء بجامعة يابانية عمل اختراع غريب جدًا، وهو لأول مرة يكون هناك شاشة تخليك تدوق الأكل، زي ما كنت بقول بكرة يظهر الاختراع اللي يطلعلك الريحة والطعم».
وأردف: «الفكرة قايمة على رشاشات في الشاشة بيجيلها أوامر كيماوية تمزج طعم الشيئ، بمجرد ما هتلحس الشاشة، وتحط لسانك عليها، هتقدر تدوق طعم الأكل بسهولة، وسعر الشاشة سوف يتراوح من 850 إلى 1000 دولار، وهذا الاختراع سيتسبب في حدوث ثورة، وانت قاعد في البيت هتعمل ديلفري وتختار الأكل وتدوقه، كل الناس هتبقى ماشية بتلحس الموبايل، كنافة أو قطايف، اللي انتوا حابينه».
واختتم مثدم البرنامج بقوله: «خطوة حلوة جدا من اليابان إنها توصل لاختراع زي ده، لكن احنا عايشين نتبنى تكنولوجيا لكن نصنعها لأ ونتريق دلوقتي لكن لما بتيجي عندنا بنبقى هنموت عليها وندور لحد ما نوصلها».
