الرد الأول لـ منى إش إش بعد أنباء طرد ابنتها ضيوف حفل زفافها
حرصت الفنانة منى إش إش، أن ترد على الإنتقادات التي طالت ابنتها ماهيتاب ماجد المصري، بعد أنباء طردها لضيوف حفل زفافها الذي أقيم الأيام الماضية في أحد الفنادق الكبرى بالقاهرة وسط حضور عدد كبير من نجوم الفن.
وكتبت على حسابها الرسمي عبر موقع الصور الشهير «إنستجرام»،قائلة: «ماهيتاب بنت بلد جدعة وحنونة ومحترمة واللي يعرفها هايأكد كلامي، أولًا هى وجهت كلامها للمتطفلين اللي إحنا مانعرفش مين هما وهجموا علينا زى الجراد وزحموا الدنيا على المسرح».
وأضافت: «هما وقفوا ورانا وقدمنا كأنهم أصحاب الفرح ده غير اللي كانوا تحت مع المعازيم فهي قالتلهم انزلوا من على المسرح مش اطلعوا برة زى ما عنواين المواقع الإلكترونية كتبت عشان تلفت الأنظار اسمعوا كلامها بتقول إيه وركزوا».
واختتمت منى إش إش، حديثها قائلة: «وعلى فكرة أنا طلبت منهم يوسعوا المكان وبردو عريسها طلب، وفى الاخر هى غضبت لأن لا حياة لمن تنادي، واللي غلط فى بنتي ربنا ينتقم منه».
