عاوزة أضحكه.. عفاف مصطفى تكشف سبب زيارتها للزعيم عادل إمام

قالت الفنانة عفاف مصطفى، إنها تتمنى مقابلة الزعيم عادل إمام، بسبب حبها الشديد له وأنها كانت على تواصل معه بشكل مستمر منذ فترة كبيرة قبل أن تغلق أسرته هاتفه الشخصي.

وتابعت عفاف مصطفى خلال مداخلة هاتفية عبر برنامج تفاصيل، الذي تقدمه الإعلامية نهال طايل عبر فضائية صدى البلد 2، :"لو فضلت 3 شهور متواصلتش معاه كان يتصل ويسأل عليا وكانت المكالمة لا تقل عن ساعة أو نص ساعة وكان بيضحك على طول.. ليه مش عاوزين أسرته اتواصل معاه!؟".

ووجهت عفاف مصطفى، رسالة إلى أسرة الزعيم عادل إمام، قائلة :"نفسي أقابله وجها لوجه علشان احسسه مش أنت التزمت البيت يبقى خلاص نسيناك.. أنت لسه موجود في قلوبنا وفي ضميرنا الفني وفي روحنا وعاوزه اطمن عليه وأضحكه بصراحه، انا ممكن مضحكش حد على الشاشة بس أضحكه في الواقع".

واختتمت عفاف مصطفى، "أنا لما بكون في اللوكيشن بعمل جو حلو.. حتى المخرجين بيقعدوا يشدوا في شعرهم ويقولولي مش عاوزين نضحك النهارده يا عفاف.. أنا بحب أضحك اللي حواليا وأخرجهم من اللي هما فيه".