كان بيعمل حاجات بتضايقني.. شريف خير الله يروى سبب أزمته مع أحمد السقا

قال الفنان شريف خير الله، أنه يتمنى العمل مع المخرج محمد سامي، ومحمد علي وبيتر ميمي، ومع الفنان محمد رمضان وأمير كرارة، متسائلا: "هو لازم أدخل فى شلة عشان أشتغل؟".

وأضاف شريف خير الله خلال حواره مع برنامج "تفاصيل"، المذاع عبر قناة "صدى البلد2"، تقديم الإعلامية نهال طايل، "كل المخرجين دول من الجيل بتاعي يعني لو في حد حب الفن يبقى من خلالي أنا.. أنا واحد من الناس اللي مثلت كويس ونفسي أشتغل مع محمد رمضان وأمير كرارة".

وتابع شريف، أنه كان يرى في أمير كرارة مشروع نجم كبير، وأن محمد رمضان تنبأ له بمستقبل باهر ولديه إصرار غير عادي، موضحا أن أي شخص له الحق أن يخوض تجربة التمثيل ولكن من الصعب أن يكُمل فيه.

ووجه شريف خير الله، رسالة عتاب إلى نفسه قائلا: "ربنا أداني حاجات حلوه كتير وأنا مش واخد بالي منها.. سامحني يارب ومتزعلش مني وطمعان في كرمك وفضلك ورحمتك وأنك أنت عندك الاجمل والأحلى وعارف انك هتديني كتير وانت عارف اللي جوايا وعارف انا تعبت قد إيه ووقفت جنب ناس كتير دون فضل مني.. يارب متسبنيش خليك جنبي".

واختتم شريف خير الله أنه حدث بينه وبين أحمد السقا موقف دون قصد، قائلا :"روحت قولت لـ أحمد السقا لو عملت معاك حاجات زمان زعلتك منى حقك عليا.. هو كان بيعمل حاجات بتضايقني وهو أصغر مني بـ 8 سنين هو نشيط وعنده طاقة كبيرة أنا مختلف عنه ربنا يديه الصحة وهو طيب وجميل وراجل يعتمد عليه".