أسما شريف منير تحلق شعرها زيرو: قرار صعب بس حسيت بقوة وتفاؤل
شاركت أسما شريف منير، متابعيها بفيديو جديد لها على حسابها الشخصي بموقع تبادل الصور والفيديوهات انستجرام.
وظهرت أسما شريف منير، وهي تقص شعرها بماكينة حلاقة علي الزيرو ، مما أثار الجدل ودهشة عدد كبير من المتابعين.
وكتبت على الفيديو قائلة: "شعري بقاله فترة بيقع جامد، ده غير ان من كتر العمايل اتحرق وبقي مش صحي خالص، غير الغدة وتأثيرها عليه، قررت أنفذ قرار كان بقالي كتير أوي نفسي أخده، أبدأ من جديد، أحرر نفسي، أفتح صفحة جديدة، حقيقي هو قرار صعب جدا بس حسسني بقوة وتفاؤل".
وتابعت: "رميت ورايا حاجات كتيرة أوي بمجرد اني شلت شعري، قلبي كان بيدق جدا وبعديها حسيت اني مليانا أدرينالين، خطوة جريئة ومرعبه بس حاسه اني طالعة منها بدرس عارفة ان في ناس كتير هتهاجمني بس أنا فارق معايا إحساسي بالراحة اللي أنا حاسها دلوقتي، عادي هيطول تاني بس الإحساس ده مش هحسه غير مرة، بكره هتشوفوا النتيجة الأخيرة".
ويذكر أن آخر أعمال شريف منير مسلسل "إجازة مفتوحة" بطولة لقاء الخميسي، سميحة أيوب، ملك قورة، نور محمود، دنيا ماهر، مراد مكرم، كريم أبو زيد، هشام إسماعيل، هدى مجد، صبا الرافعي، ألفت عمر، محمد العمروسي، أحمد زكريا وعدد من الفنانين الشباب وتأليف أحمد محمود أبو زيد وإخراج محمد عبد الرحمن حماقي.
