«هو أنا مرات أبو حد فيهم».. فريدة سيف النصر تسخر من عدم تكريمها في مهرجان الدراما

وجهت الفنانة فريدة سيف النصر رسالة عتاب لنقابة المهن التمثيلية، وذلك بسبب عدم تكريمها في مهرجان القاهرة للدراما، الذي أقيم في مدينة العلمين.

كتبت فريدة سيف النصر عبر حسابها الشخصي على موقع الواصل الاجتماعي فيس بوك: "نفسي نقابتي تكرعني.. وهما عارفين كل حاجة وشاطرين موت وبقوا مهمين.. والله العظيم من قلبي هذه نقرة وتلك نقرة.. مليار مبروك للي بيتكرموا في مهرجاننا اللي بعترف بيه فقط واللي نقيبنا حبيبي أخرج لي مسرح وزميل عمر وحبيبي هو وزوجته بجد.. ويأكد بنفسه الحضور للمهرجان كتير.. وقلت له المرة الأولى هو أنا مش معاكم ولا إيه بقى كل الناس دي وأنا مش وسطهم نهار إسوح ده أنا مرات أبو حد ومعرفش".

وأضافت: "بس الحقيقة أنا مش معاهم أنا مع نفسي وعارفة إني محسوبة عليه ولا بيكرم ماجدة ولا روجينا ولا فريدة طيب ادعوا لي والنبي أبقى ممثلة ليا علامات والنبي وابقى شاطرة وليا جمهور وقبول وأفلام كبيرة ومسلسلات عن حق. ومسرح مش أي أي نفسي..عرفتم مجيتش ليه بحس.. قلب الأم.. يا رب نفسي يكرعوني ولو مرة معاهم.. نفسي اتكرع".

واستكملت: "مع العلم إني باعتذر قسمًا بالله لمعظم المهرجانات التي بلا سبب ومش فنانين علشان يكرموا فنانين.. بس الظاهر طلعوا بيفهموا.. أما بتوعنا ندعيلهم ربنا يقويلهم البصر والبصيرة والقلب يا ولاد القلب مهم جدًا والإنسان في حياته وبعد مماته سيرة.. طيب استلفوا ريبورت لميس الحديدي ولا إيمان الحصري ولا إسعاد يونس.. ولا عمرو الليثي.. كنتم هتعرفوا يعني شوية هبل من اللي بعمله مع كتاب ومخرجين وأبطال على قدهم ملقيتهمش برضه.. لو يفهموا يعني إيه تكريم كانوا جابوا من أول الحكاية لازم فن وإبداع واستقامة وسمعة وتواضع".

وتابعت: "ما هو مش معقول نتناسى أشياء ونبروز أشياء.. هعمللكم فيلم الماضي لا يموت.. وأنا مقررة أقول اللي بحسه في وش الجدع مقولتش التخين علشان أنا بلوظة.. هيه.. دنيا فونيا والزمن كباس.. يوه عن إذنكم أصل صينية الكوسة ريحتها طلعت إن شاء الله ألحقها ما أنا طباخة شاطرة.. وممثلة فاشلة.. حقيقي والله أنا مبعرفش أمثل لو محسيتش مبشتغلش لازم تلبسني وأهو أديهم بيلبسوني بعد مسمعتش من زميل إني متكرعة هههههه سحبوها.. عادي حصلت مع جريدة الفجر حبايب قلبي المحترمين.. بصوا يا أهل الله.. الساكت عن الحق شيطان أخرس.. والنبي غيروا الماء الراكد بيعفن".