بسبب مولوده التاسع.. رضا البحراوي يرد على منتقديه

رد المطرب الشعبي رضا البحراوي على الانتقادات التي تعرض لها مؤخرًا بعدما أعلن عن مولوده الجديد «ريان».

وكتب رضا البحراوي على حسابه الشخصي بموقع التواصل الاجتماعي فيس بوك معلقًا: "يا إخوانا افرحوا لبعض وحبوا بعض، بالله عليكم.. والله العظيم ما فيه حد بياخد رزق حد، كله مقدر ومكتوب عند رب العالمين، من قبل ما إحنا نيجى الدنيا أصلا".

وأضاف رضا البحراوي: "مفيهاش حاجة لما تفرح لصاحبك أو زميلك أو حتى شخص متعرفوش إنه ربنا كرمه بأي حاجة، وإنه نام مبسوط ليلة في حياته، اللي انت متعرفش عنها حاجة.. خلّوا قلوبكم حلوة واتمنوا الخير والفرحة لبعض.. ربنا يسعد قلوبكم ويكرم الناس كلها يارب".

ورزق المطرب الشعبي رضا البحراوي منذ أيام بمولود جديد، اسمه ريان، وقال طارق عبد الستار زوج شقيقة رضا البحراوي على حسابه الشخصي بموقع التواصل الاجتماعي فيس بوك معلقًا: "ريان رضا البحراوي نورت الدنيا ياحبيب ابوك يتربى في عزك يارضا وتعيش وتفرح بيه وبأخواته".