حسن شاكوش يثير الجدل: «أنا وريم حبايب دلوقتي»
وجهت ريم طارق رسالة إلى حسن شاكوش عبر حسابها على انستجرام، قائلة له إنه وعد وأوفى وتتمنى له كل الخير.
وعلقت على فيديو لشاكوش عبر حسابها على انستجرام قائلة :«أنا كمان بتمنالك كل خير يا حسن وأكيد احنا حبايب وعايزه أقول حاجة للمتابعين».
وأوضحت :«للمشكلة بتاعتنا من الاول أن بلاش أي حد يدخل في مشاكلكم الشخصية حتي لو اقرب الناس ليكم لانهم من كتر حبهم ليكم ممكن المشكلة تزيد مش تتحل وده إلى حصل معانا انا وحسن».
وتابعت:«يمكن لو كانت المشكلة بنا بس كانت اتحلت من بدري وانا كمان بشكرك يا حسن وانت وعدت ووفيت لله الامر من قبل ومن بعد«،
وتحدث شاكوش في الفيديو الذي نشرته ريم عبر حسابها على انستجرام، وقال خلاله حسن: «أنا طالع من خلال الفيديو بقول إن أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية».
وتابع::«وبشكر كل الناس اللي اتدخلوا وكلموني عشان نخلص الموضوع بشكرهم جدً اجدًا وتعبوا معايا جدًا وبقول لكل الناس أخواتنا الإعلاميين والصحفيين اللي هما على رأسي من فوق، احنا خلاص حبايب مفيش أي حاجة وهي كانت في يوم من الأيام مراتي ومكنش ينفع أجرح فيها بأي كلمة أو اتكلم أي كلمة تجرحها الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم».
