طليقة شاكوش تتراجع عن اعتذارها: «أجبروني أعمل فيديو وأنا عيلة ورجعت في كلامي وممكن أفضح اللي شوفته رابع يوم من جوازي»
أثارت ريم طارق طليقة حسن شاكوش الجدل من جديد بعدما خرجت في فيديو تكشف خلاله أنها تم إجبارها على تسجيل مقطع فيديو لتهدئة الرأي العام ضد طليقها وتعلن خلاله عن الصلح بينهما من أجل الحصول على أغراضها.
ونشرت ريم طارق مقطع فيديو على خاصية استوري بحسابها الشخصي على موقع الصور الشهير إنستجرام، قالت فيه: "كان إجباري عليا أعمل الفيديو قصاد إني أخد حاجتي، وفعلا عملت الفيديو عشان كده، ومفيش صلح حصل وأنا ساكته احترامًا للناس اللي اتدخلت، وبعد ما أخدت حاجتي الفيديو نزل، والمفروض مكانش ينزل إلا بعد ما المشكلة تخلص".
وأضافت: بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى إنتي متعرفيش أنا اتعرضت لإيه علشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت إن الصلح خير لكن واضح إن الطرف التاني مش حابب دا".
واستكملت: "أنا عيلة ورجعت فكلامي، وأنا قولت عليك راجل محترم عشان أخدت حاجتي اللي عندك بس، وأنا أسفة مش هتصالح والقضايا شغالة أنا ما اتنازلتش عن حاجة لسه وممكن أفضح سبب الأزمة بينا واللي شوفته في رابع يوم زواج لينا".
