«جثة متعفنة وحيلة شيطانية».. تفاصيل جديدة في واقعة اعترافات المتهمة في مقتل طالبة طنطا

كشفت المتهمة بقتل صديقتها فرح في القضية المعروفة إعلاميًا بـ طالبة طنطا عن تفاصيل جديدة في الواقعة التي هزت مدينة طنطا بالغربية، وعن تفاصيل مساعدة صاحب الشقة في نقل الجثة لمصرف مائي.

واعترفت المتهمة أمام جهات التحقيق، أن هناك حيلة شيطانية عرضها صاحب الشقة المتهم الثاني للتخلص من طالبة طنطا وإخفاء معالم الجريمة حتى لايتم كشف أمرهما.

وأوضحت المتهمة في اعترافاتها بالتحقيقات: بعد أسبوع من ارتكاب الجريمة لقيت بيشوى بيتصل بيا وقالي تعالي على المحل بتاعي، فأنا روحتله فقالي هتلاقي شيكارة على السطح في البيت اللي فيه فرح وقالي خدي معاكي حبال وروحي على الساعة 4 أو 4 ونص وانقلي الشيكارة دي وفيها (فرح) لأي حتة، فقلتله أنت لسه متصرفتش فيها أو كلمت الحكومة، قالي لاء وخدي توك توك معاكي، فقلتله أقول لسواق التوك توك إيه، فقالي قوليله أي حاجة.

واستكملت المتهمة بقتل فرح طالبة طنطا: فعلا روحت بيتي في الجلاء ونزلت بالليل وقفت توك توك بالصدفة وقلتله وديني سبرباي فوداني عند البيت اللي فيه فرح وبعدين قلتله نص ساعة وتعالى نفس المكان وأنا طلعت على السطوح ملايات مربوطة في الجثة ومتلبس فيها نص شيكارة وكانت الريحة وحشة وكانت فيها سائل حوالين الجثة.

وأردفت: أنا ماحاولتش أفك الملاية عشان الريحة وحشة، بس أنا عارفة إن فرح فيها وكانت في شيكارة كبيرة تانية حطيتها فيها زي ما بيشوي قالي، وجرجرتها لتحت وأنا بشدها لقيت فيها حاجة مخلوعة في الشيكارة ونزلتها تحت وكان بتاع التوك توك جه، وبعدين هو جالي وشدها مني عند المدخل لأنها كانت تقيلة، وأنا كانت أعصابي سايبة مني.

وأردفت المتهمة بقتل طالبة طنطا: سائق التوك توك سألنى إيه اللي فى الشيكارة قولتله بطاطس معفنة وكلب ميت زي مابيشوي قالي، وركبنا التوك توك والشيكارة معايا وقلت لسواق التوك توك وديني في أي مكان أرمي الشيكارة زي مابيشوي قالي، فخدني مكان كدا كان فيه زبالة على اليمين وسائق التوك توك نزل شد الشيكارة ورماها في المصرف.