سارة نخلة تهاجم محمد التاجي: «بيحرض الشباب يعيشوا مع بعض بدون زواج وده ضد الإسلام وعادتنا وتقاليدنا»
وجهت سارة نخلة نقد وهجوم شديد على الفنان محمد التاجي بسبب تصريحاته التي شجع فيها الشباب على عدم الزواج.
وقالت سارة نخلة: "لما نلاقي فنان كبير قدر وقامة عمال بيقول كلام غير مفهوم وغير لائق ولا يشبه عاداتنا وتقاليدنا وديننا والمجتمع اللي احنا عايشين فيه".
وأضافت سارة نخلة خلال برنامجها فيس أوف المذاع على قناة هي: "تخيل لما راجل كبير يقولك متتجوزوش ودي سنة ربنا اننا نتجوز ونعمل عيلة، المال والبنون زينة الحياة الدنيا طيب هنجيب عيال إزاي من غير مانتجوز، لما نلاقي حد بيقول الكلام دا أول سؤال لازم نسأله هل حضرتك ترضى دا على أهل بيتك ترضى في يوم من الأيام ابنك يقولك معلش أنا عايز أعمل قلة أدب أنا مش عايز أتجوز احنا في بلد إسلامي ومحترم وبيحترم العادات والتقاليد".
وتابعت: "والشق التاني حضرتك شايف إن الدولة اللي بتحترم المرأة والقانون مش بتغفر لحد، حضرتك شايف الدولة بتظلم الراجل ومتضايق إن الدولة بتدعم المرأة لأنها نص المجتمع وبتربي النص التاني من المجتمع".
