بالصور.. مطعم شهير بالفسطاط «يُسمم» كلاب المنطقة

نشرت فتاة من سكان منطقة مدينة الفسطاط الجديدة، فيديوهات وصور لعمال مطعم حاتي شهير بالمنطقة، وهم يستخدمون السم للتخلص من الكلاب في المنطقة المحيطة بالمطعم.

تروي سيدة مسنة تفاصيل تسميم عمال مطعم للكلاب الموجودة بالمنطقة قائلة: "كنت قاعدة في البلكونة، ولقيت عند المطعم ناس كتير واقفة، بيتفرجوا على كلب واقع وبيترعش، وبعد كده مات".

وأضافت: "بعدها لقينا كلب تاني بيقع وبيموت بنفس الطريقة، وبعدها لقينا الكلاب المحيطة بالمطعم، بتموت بنفس الطريقة، وكل ده احنا مش فاهمين حاجة، وبعدها فيه حد حسبن على أحد عمال المطعم، ودخل في مشادة مع ذلك العامل، وفي نهاية المشادة، قال العامل عند ربنا احنا اللي هنتحاسب".

وأكملت حديثها بوجود تعمد من جانب المطعم لتسميم الكلاب قائلة: "عمال المطعم حطوا سم في أكل للكلاب وبسبب كده الكلاب كانت بتقع واحد ورا التاني، حسبي الله ونعم الوكيل، من لا يَرحم لا يُرحم، حالة من اللاإنسانية والجحود".

وبعدها انهالت التعليقات المنتقدة لحادثة تسمم الكلاب منها: "مش مصدقة إن ممكن إنسان يعمل كدا عادي ببرود قلب وقدام أطفال".