حورية فرغلي: «خطيبي المتوفي كان 175 كيلو وعنده مشكلة في رجله ومع ذلك كنت بشوفه أحلى راجل في الدنيا»
تحدثت الفنانة حورية فرغلي عن الكثير من التفاصيل عن حياتها الشخصية، وكشفت عن خطيبها الذي توفي قبل زواجهما.
وقالت حورية فرغلي في تصريحات تليفزيونية: "محبتش حد من 2002، من وفاة خطيبي قبل جوازنا، مع إني سايبة نفسي خالص".
وتابعت: "خطيبي اللي مات كان 175 كيلو، وكان عنده مشكلة في رجله الشمال، ومع ذلك كنت بشوفه أحلى راجل في الدنيا، كنت ببص على اللي جوة، كل اللي برة هيروح، مش عايزة أشوف شكله، كفاية نكته اللي بتضحكني، وجوده في المكان، ريحة برفانه، من ساعتها بدور على راجل زيه مش لاقية".
وتابعت حورية فرغلي: "قضينا سنتين مفيش بينا ولا خناقة مضايقنيش، كنت لما بكسب في الفروسية ألاقيه جايبلي تورتة وبيحتفل بيا، طب أنا شوفت الحب ده وعاشرته عشان في الآخر يتاخد مني طبعا ربنا اللي عايز كده بس ساعات بسأل نفسي".
