حورية فرغلي: «رجالة أصغر مني بتحبني منهم واحد عنده 22 سنه»
كشفت الفنانة حورية فرغلي عن عروض الزواج التي تأتي لها، حيث قالت إن أغلب من يقع في حبها تكتشف فيما بعد أنه أصغر منها سنًا.
وتابعت: "أنا بتحب كتير من رجالة بتصدم لما بعرف سنهم، بيبقوا أصغر مني بكتير، منهم واحد كان لسة بيبعتلي مسدجات حب كتير وفي الآخر عرفت إن عنده 22 سنة، قولتله قولي طنط يا روحي، راح قالي العمر مجرد رقم".
وكشفت حورية فرغلي عن خطيبها الذي توفي قبل زواجهما، حيث قالت: "محبتش حد من 2002، من وفاة خطيبي قبل جوازنا، مع إني سايبة نفسي خالص".
وتابعت: "خطيبي اللي مات كان 175 كيلو، وكان عنده مشكلة في رجله الشمال، ومع ذلك كنت بشوفه أحلى راجل في الدنيا، كنت ببص على اللي جوة، كل اللي برة هيروح، مش عايزة أشوف شكله، كفاية نكته اللي بتضحكني، وجوده في المكان، ريحة برفانه، من ساعتها بدور على راجل زيه مش لاقية".
