أحمد موسى يشكر محمد صلاح على إعلانه الجديد في الإسكندرية

علق الإعلامي أحمد موسى على إعلان محمد صلاح الجديد والحملة الإعلانية المشتركة مع زميله بـ ليفربول الإنجليزي، عن سحر وجمال محافظة الإسكندرية.

وأكد موسى أن اللاعب محمد صلاح يستحق أضعاف أضعاف الإشادة التي ينالها من قبل المصريين؛ تزامنا مع إعلانه عن الإسكندرية رفقة زميله فريق ليفربول «لوفرين».

وتابع موسى خلال تقديم برنامج على مسئوليتي المذاع على قناة صدى البلد: «منتهى التقدير لمحمد صلاح على ترويجه للسياحة المصرية في الإسكندرية.. أي وقت تروح فيه الإسكندرية تلاقي أجمل أكل وأحلى بحر وأحلى ناس وأجواء».

وعلق موسى قائلا: «صلاح ابن مصر الأصيل، وفلوس كتير جدا بتندفع في اللي بيعمله دا، كلنا بنشكرك على الدعاية اللي بتعملها لمصر والإسكندرية، والمحافظة تستحق لأنها مدينة ساحرة.

وأكمل: «صلاح جاب لنا أكلة الحواوشي والسمك والفول والطعمية والكبدة والكشري، وفي ناس بتروح تاكل مخصوص في الإسكندرية، ومن يومين بقول لزملائي يلا نروح ناكل كشري في الإسكندرية، لأننا كنا طول الوقت موجودين فيها، مصر حضارة وعراقة وأحلى أجواء».