طارق الشناوي: «عادل إمام قالي بقالك مدة مبتشتمنيش وقلقت عليك»
تحدث الناقد الفني طارق الشناوي عن تفاصيل مكالمته مع الزعيم عادل إمام، مشيرًا إلى أنها تضمنت روح الدعابة التي اعتاد عليها من الزعيم.
وقال طارق الشناوي في لقاء تلفزيوني: «مرة كنت راجع من مهرجان فنيسيا، لاقيته أتصل بيا على التليفون الأرضي، وقالي فينك بقالك مدة مبتشتمنيش أنا قلقت عليك، كنا سنة 2009 وآخر أفلامه 2010 وبعدين اتجه للدراما، وكلامه ليا كان بسخرية جميلة أتقبلها، وخدناها كنكتة وضحك».
وكانت الفنانة شيرين قد طمأنت الجمهور الذي يتساءل عن الحالة الصحية للزعيم عادل إمام، إذ أكدت أنه بصحة جيدة ويتابع ما يحدث في الحركة الفنية باستمرار.
وتابعت خلال لقائها مع الإعلامي عمرو الليثي في برنامج واحد من الناس على قناة الحياة، قائلة: «أنا بكلمه وبسأل عليه وبيرد عليا وبالنسبة لإصابته بألزهايمر فأعوذ بالله، وتحية كبيرة من قلبي وروحي وعقلي للأستاذ عادل إمام، ومدام هالة زوجته وربنا يديله الصحة ويسعده دايمًا بأولاده ويفرحك بيهم كمان وكمان».
وتابعت: «تحياتي لرامي وسارة ومحمد أنا بحبكم كلكم لأن بابا ده هرم كبير وعظيم، ربنا يخليه لمصر ودايمًا فخورين بيه، ويارب الناس تبطل تجيب سيرة الرموز بحاجات وحشة ويارب يحترموا نفسهم شوية ومش كل شوية يموتونا، ولو مضايقين مننا يقولولنا، يعني جمعونا كلنا في ميدان وموتونا، لكن حرام عليكم تتعبوا أعصابنا وتفولوا علينا».
