أحمد سعد عن انفصاله من علياء بسيوني: «أنا أصلًا حر»
انفصال أحمد سعد وعلياء بسيوني
خلال حفل الموريكس دور بلبنان؛ علق الفنان أحمد سعد عن انفصاله من مصممة الأزياء علياء بسيوني.
وأجاب أحمد سعد خلال تصريحات تلفزيونية عندما وجه له سؤال حول إذا يشعر بالحرية بعد الانفصال أم لأ؟، ورد: "قصدك الحرية بدون جواز.. أنا أصلا كده كده حر".
تكريم أحمد سعد في حفل موريكس دور
وخلال حفل الموريكس دور بلبنان، تم تكريم أحمد سعد على نجاحه الفترة الأخيرة، وعلق على ذلك خلال حفل الموريكس دور قائلًا: "نسيت أخد الدوا بتاع النرجسية، لكن مبسوط مني قوي الفترة اللي فاتت، أنا من أكتر الناس اللي بتسمعني وبحبني جدًا، نزلت أغنية عليكِ عيون، وأغنية وسع وسع، وبعدها نزلت اليوم الحلو ده، بعدها اختياراتي، والحمد لله حققوا نجاح كبير".
وتابع: "كل شوية ييجي لي رسائل من لبنان، إن الناس هناك بيحبوا الأغاني بتاعتي قوي، لبنان ممكن يحصل فيها أحزان وكل حاجة، لكن الحاجة الوحيدة اللي بنراهن عليها هي قلوب اللبنانين، بيحبوا الفرفشة طول عمرهم، وعاشقين للحياة".
