هشام ماجد: «أنا وشيكو مش هنعمل فيلم الرجل العناب مع أحمد فهمي واتخانقنا بسببه»
تحدث الفنان هشام ماجد عن موقفه من الفيلم الذي تعاقد عليه الفنان أحمد فهمي، والذي سيقدم خلاله دور الرجل العناب في فيلم سينمائي، وهو مأخوذة من مسلسل الرجل العناب الذي جمع الثلاثي أحمد فهمي وهشام ماجد وشيكو في عام 2013.
وتابع هشام ماجد: "أنا وشيكو مش هنشارك في فيلم الرجل العناب، وأحمد فهمي سألنا بس كان كل واحد فينا مشغول في حاجة فاعتذرنا، هو قالنا هعمله أنا قولناله أعمله طبعًا".
واستكمل: "أنا بتشائم من الرجل العناب لإننا اتخانقنا مرتين بسببه، مرة وهو مسلسل، ومرة لما جينا نعمله فيلم، بنتخانق ونتصالح تمام بس الرجل العناب دايمًا مكلكع، وقبل ما يتعمل مسلسل كان المفروض هيتعمل فيلم وصورنا فعلًا يوم من الفيلم ده، وبعدين اتخانقنا ومكملناش الفيلم فعملناه مسلسل، فـ بالنسبالي خلاص أنا حابه زي ما هو".
