السيسي: لو كان ثمن بناء الدولة دي مش تقطيعي لكن موتي أنا هعملها

أكد الرئيس عبد الفتاح السيسي، أنه مستعد للتضحية بنفسه مقابل بناء هذه الدولة، قائلًا: "لو كان ثمن بناء الدولة دي مش تقطيعي لكن موتي أنا هعملها".

وقال الرئيس السيسي خلال جلسات مؤتمر "حكاية وطن بين الرؤية والإنجاز" المنعقد في العاصمة الإدارية الجديدة: "في 2014 حد قالي أنت أيقونة مصر، إيه اللي يدخلك الدولة دي.. قالي أنت بطل مصر.. اوعى تدخل علشان بعد كده هيقطعوك".

وأشار الرئيس السيسي إلى أن أول تخفيض لقيمة دعم الوقود كان في 2014، قائلًا: "الناس قالت هو عمل كده إزاي.. ده لسه داخل، حد يعمل كده في نفسه.. نفسه إيه؟.. اوعوا تفتكروا إني جاي أقدم نفسي لكم.. لا لا .. ده لا يليق.. إحنا بننجد دولة صعبة".