مستشهدا بموقف مع الراحل أحمد زويل.. السيسي: «في فرق بين الفكرة وتنفيذها»
تحدث الرئيس عبدالفتاح السيسي، عن مسار الأفكار الجديدة، معلقا: "هقول حاجتين تعليقا على المسار والفكرة وهقولكم على الكلام ده من باب التجربة.. فيه فرق بين الفكرة وتنفيذها".
واستشهد الرئيس السيسي، خلال حديثه ضمن فعاليات اليوم الأخير لمؤتمر حكاية وطن، قائلا: "الدكتور زويل الله يرحمه جالي في 2014 وقال عاوز أعمل جامعة زويل قولتله إيه المطلوب مني؟.. قال ولا حاجة أنا بس عاوز الهيئة الهندسية هي اللى اتنفذ، قولتله يا دكتور زويل هل تضمن تبرعات إقامة الجامعة؟ قال طبعا".
وتابع: "وكان ساعتها المبلغ اللى معاه حوالى 500 مليون جنيه، والبرنامج بتاع الجامعة ضخم قوي، قولتله يا دكتور زويل أنت هتعتمد في الفكرة على تبرعات الناس.. أيا كان الناس اللى وعدوك.. مش كل فكرة لازم تنجح إلا لما تكون عارف كويس هتعمل إيه، وتصر على إنك تنجحها ما تسيبهاش.. وقدر الله وحصل اللى حصل يبقا الهيئة الهندسية تكمل المشروع".
وتعقد اليوم جلستان الأولى هي جلسة السياسة الخارجية والأمن القومي والثانية جلسة العدالة الاجتماعية والصحة، كما يختتم المؤتمر بعقد جلسة مساء اليوم.
