أحمد موسى لـ أحمد طنطاوي: نازل الانتخابات ولا تعمل فوضى في الشارع؟
قال الإعلامي أحمد موسى، إن أحمد طنطاوي يريد إحداث فوضى في البلد، متسائلًا: هل أنت محتاج أن البرلمان الأوروبي يدعمك؟.
وأضاف خلال تقديم برنامج «على مسئوليتي»، المذاع على قناة صدى البلد: طنطاوي ذهب إلى دمياط والعيال اللي ماشيين معاه اعتدوا على المواطنين لما طلبوا منه أن يمشي وأبلغوه أنهم مش هيعملوا له توكيلات.
وخاطب الإعلامي أحمد موسى، أحمد طنطاوي، قائلًا: طيب نازل عشان الانتخابات ولا عشان تعمل فوضى في الشارع، ده عاوز يعمل فوضى في الشارع وضرب الناس عشان يقول بيضربونا.
وتابع: أحمد طنطاوي ليس له وجود، ومش عارف يعمل توكيلات، يعني ممكن يجمع 100 أو 200 وكل ده صفر وفي ناس لا تعرفه ولا عندها فكرة عنه، طيب يا طنطاوي إيه الفارق بينك وبين ميليشيات الإخوان، ليه تضرب المواطنين في الشارع يعني لو كده ممكن تسحل الناس في الشارع.
ووجه موسى رسالة للبرلمان الأوروبي قائلًا: مالك أنت ومال التوكيلات إيه دخلك أنت، ده أمر خاص بمصر وبنعمل انتخابات حرة ونزيهة زي ما قال الكتاب أحسن من عندكم، الدول الأوروبية بيحصل فيها كوارث، ليه بتركزوا باللي بيحصل في مصر.
وأكمل: طنطاوي بيشتكي من منعه، طيب حد قرب منه ولا منعه، يا سيدي اجمع 25 ألف توكيل من 15 محافظة على الأقل، وورينا شعبيتك بس أنت معندكش وده حجمك ياللي اسمك طنطاوي.
