حورية فرغلي: «قلبي بيتقطع على فلسطين ولابد تحرك من جامعة الدول العربية»
دعمت الفنانة حورية فرغلي الشعب الفلسطيني، إذ كشفت عن حزنها الشديد لسقوط ضحايا فلسطينيين من قبل الاحتلال الإسرائيلي.
وشاركت حورية فرغلي متابعيها بمقطع فيديو على حسابها الشخصي بموقع الصور الشهير إنستجرام، وكتبت معلقة: "أنا بعمل الفيديو ده تضامنًا مع شعبنا الحبيب فلسطين وقلبي كله حزن وبيتقطع من اللي بشوفه ويا رب فك كربهم وانصر أهلنا في فلسطين الأطفال اللي بتروح دي مش ذنبهم حاجة والناس مش ذنبها حاجة اللي بيروحوا ضحايا من غير ما تعمل أي حاجة".
وتابعت: "معقولة الناس تروح ضحايا حد عمل حاجة غلط هم ذنبهم ايه، الناس دي بتموت وتتباد كلها وبتحاسبوا شعب عشان فئة غلطت حرام الناس اللي بتموت دي يا جماعة ليس لي دخل في السياسة ولا عمري تحدثت فيها، ولكن يجب علي أن أقول كلامي لابد تحرك من جامعة الدول العربية، بصراحة نحن حزينون وعند رؤيتي أي فيديو، قلبي ينقبض من الحزن".
واستكملت: "أنا حزينة جدًا جدًا وبشوف الفيديوهات بتقطع ومبقدرش أكملها بس لازم يكون فيه حل ولازم الناس اللي تقدر تحل تحل".
