شوبير يُفجرها.. تعرف على حقيقة مفاوضات الأهلي لضم عمر كمال

كشف الإعلامي أحمد شوبير، حقيقة الأنباء المتداولة بشأن صفقات الأهلي الجديدة التي ستحسم خلال الانتقالات الشتوية المقبلة.

وقال أحمد شوبير في تصريحات عبر برنامجه الإذاعي: «فيه كلام كثير عن صفقات الأهلي الجديدة ونبدأ بأسامة جلال، أسامة من 3 سنين وقع عقد مع الأهلي وتمام التمام لكن الأهلي مكملش في إنهاء الصفقة، مؤخرا تجدد الكلام من كام أسبوع كده عن أسامة جلال لكن اللاعب طلع مجدد عقده مع بيراميدز وقدامه لسه 3 سنين في عقده فالقصة خلصانة ومش هيبعوه».

وأضاف: «بالنسبة لوليد الكرتي هما معجبين بيه في الأهلي لكن لازم تعرف إن انضمام إمام عاشور للأهلى لغى الكلام مع ناس كثير جدا، ده غير إن الكرتي مازال لديه موسمان في عقده مع بيراميدز».

وأكد: «بالنسبة لمحمد صبحي الأهلي لا يفكر فيه كان فيه تفكير الموسم اللي فات وخلاص الموضوع ده اتقفل».

واختتم: «نيجي بقه لعمر كمال عبدالواحد نجم فيوتشر ده هيكون لاعبا حرا في شهر يناير اللي جاي ومن حقه يوقع لأي نادٍ ومسؤولو مودرن فيوتشر ممكن يبيعوا اللاعب، وأعتقد هيتفاضوا على بيعه بدلًا من رحيله مجانًا».