«ريهام» تطلب خلع زوجها: «بيكتفني عشان يضربني براحته»
تزوجت "ريهام" من ابن عمها الذى رأت فيه الزوج الصالح وفارس الأحلام لها، سنة واحدة فقط وبدأت تدفع ثمن اختيارها، معاملة قاسية وأسلوب همجى، لا يتعامل الزوج إلا بهما، حاولت السيطرة على الوضع ولكن فى كل مرة أعطت فيها فرصة على أمل التغير ندمت أشد الندم، فحينما وجد أنها تتغاضى عن كل تصرفاته كان يتمادى فى ضربه الذى وصل لحد "تكتيف إيديها وأرجلها لسهولة الضرب" حتى يتكمن من ضربها.
تضيف "ريهام": "هو ابن عمى وأمى وأمه اتفقوا إنهم يجوزونا لبعض وأنا كنت شيفاه محترم وكويس عشان كدا لما أتقدم لى وافقت على طول وكنت فاكرة هو اللى هيعيشنى العيشة اللى أنا عايزاها، بس طلعت غلطانة للأسف".
أضافت: "فترة الخطوبة مطولتش واتجوزنا على طول، مكملتش أول سنة فى الجواز ولقيت واكتشفت واحد تانى خالص غير الى أنا عارفاه قبل الجواز، ولقيت معاملة زى القرف منه بسبب لسانه الزفر دا".
مشادات بسبب معاملة الزوج القاسية ما دفعها تترك المنزل عدة مرات، ولكن الأهل كانوا يتدخلون حتى لا تتصاعد الأمور، وتعود سارة لبيتها مرة أخرى على أمل تعديل معاملته معها ولكنها كانت الأمور تزداد.
أضافت "ريهام": "كنت كل مرة بغضب فيها عند أهلى كانت مى بتقول لى مينفعش وارجعى بيتك متخربيهموش وكل الكلام اللى احنا عارفينه دا، وكنت بسمع كلامها فعلا وأرجع عشان أحافظ على البيت بس هو مكنش فارق معاه أى حاجة".
كانت كل المحاولات التى تقدمها للزوج بسبب خوفها على المنزل من الخراب، ولكنه لا يراعى كل هذا وأصبح ضربها عادة بالنسبة له.
تسترسل باقى قصتها قائلة: "كنت بحاول مردش عليه وأعمل نفسى عبيطة عشان المشاكل متكبرش بس هو اللى كان بيكبر المواضيع بالذات بعد ما بقى يمد إيده عليا، أول مرة ضربنى فيها كان ضرب عادى وقلت بلاش أعمل مشاكل برضوا، بس لما لقانى سكت زاد فيها وبقى يكتفنى لسهولة ضربى، أخذت قرار حتمى بالانفصال بعدما وجدت أنه يتمادى فى ضربى مع مرور الوقت، ما دفعنى إلى إقامة دعوى خلع ضد ابن عمى الذى خيب ظنى".
