«أنت كداب».. أحمد موسى يوجه رسالة نارية لـ إسماعيل هنية

قال الإعلامي أحمد موسى، إن القضية الفلسطينية هي قضية كل العرب وليست قضية مصر وحدها، معلقا: استغربت الأيام اللي فاتت لما لقيت الناس بتتكلم وتحمل مصر المسئولية.

وتابع خلال برنامجه على مسئوليتي، المذاع على قناة صدى البلد: "طرحت سؤال هي حماس لما أخدت قرار الحرب هل تشاورت مع حد وقالت هنحارب وحددت أهداف أيه وقالت هنوصل لإيه؟".

وأضاف: هناك من الأشقاء وقفوا أمام سفارة مصر في رام الله يشتموا مصر، وفي ناس تظاهروا لمهاجمة مصر عشان معبر رفح وإسماعيل هنية طلع اتكلم.

وأكمل: كأن القضية الفلسطينية هي قضية مصرية، يا جماعة أنتوا فاهمين الموضوع غلط، هناك 22 دولة عربية، صحيح مصر شايلة القضية من 1948.

وواصل: إسماعيل هنية رئيس المكتب السياسي لحركة حماس، مش موجود في غزة ولا يعرف حاجة عنها وطالع يقولك افتحوا المعبر، معلقا: «طب إحنا نعرف عن غزة أكتر منك».

وأردف: معبر رفح مش باب واحد، أقولك أنا الفكرة، لدينا البوابة المصرية والناحية التانية البوابة الفلسطينية، أما بتاعتنا إحنا شغالة على طول متقفلتش، والمغلقة هي البوابة الفلسطينية تحت سيطرة الاحتلال، وأنا بشرحلك عشان لما تتكلم تتكلم كلام مظبوط ومتعملش فتنة وتقول كلام مغلوط.

وأكد: مصر قلبا وقالبا مع الشعب الفلسطيني، وكلامك يا إسماعيل هنية ده يوحي أن مصر قفلت المعبر ولكن أنت كذاب يا حج إسماعيل هنية وعاوز تثير الناس.