عبد الرحمن سامح: الاكتئاب سرطان السعادة.. ودفعني للانتحار

تحدث عبد الرحمن سامح، بطل العالم في السباحة والمتوج بالميدالية الذهبية في اليونان، عن إصابته بالإكتئاب والذي وصفه بأنه سرطان السعادة، لأنه يحطم الإنسان نفسيًا ويقضي على حياته العملية، متابعًا: "الاكتئاب بيخليك تتخلي عن حلمك وكل حاجة ضحيت عشانها سنين، خاصًة إني متأهلتش للأولمبياد في أول مرة 2021، لأني قعدت أحاول فيها 6 مرات، والاكتئاب كان سبب في إني حاولت الانتحار".

وتابع عبد الرحمن سامح، خلال حواره لبرنامج "في الصالة"، مع الدكتور مهاب مجاهد، قائلًا: "الاكتئاب وصلني لأني أحس إن أمي مبتحبنيش ومش فخورة بيّا، أنا مش مثال كويس لأختي، عندي 23 سنة ولسه باخد مصروف مني أمي، وكله بدأ كاريره وأنا لسه محصور في حتة إني سبّاح وعايزة أجيب سبونسرز، كل الحاجات دي بتستنزف منك ومش بتديك في ساعتها مش شايف بصيص من الأمل في الحياة".

واختتم: "التعافي من الاكتئاب حصل أول ما فوقت من فكرة محاولة انتحاري، وأنا في آخر اللحظات، وأنا كنت بدعي إني ربنا يخرجني من اللي أنا فيه عشان أساعد الناس، محدش يدخل في اللي أنا فيه، لأن أكتر حاجة مرعبة في الحياة إنك تقابل الموت وجهًا لوجه، أدركت إن الرحلة فيها الحلو والوحش، وكل دا بمساعدة أمي وأختي وأطباء ودعم من المدربين وناس كتيرة منهم الصحاب".