رد ناري من فيتوريا على استدعاء فتوح وصبحي رغم إيقافهم بالزمالك

رد البرتغالي روي فيتوريا، المدير الفني للمنتخب الأول لكرة القدم، على استدعاء الثنائي أحمد فتوح ومحمد صبحي، رغم إيقافهم في نادي الزمالك وتحويلهم للتحقيق لأسباب تأديبية.

وقال فيتوريا في تصريحات خلال المؤتمر الصحفي: " هل لو حصل مشكلة بين اللاعب وزميله في المعسكر وتم استبعاده، هيتم استبعاده من النادي أيضا؟".

وتابع: "اللي وصلنا إن لسه المشكلة قيد التحقيق في الزمالك، ولن استبعد أي لاعب اعتمد عليه في منتخب مصر، وأنا انتظر قرار الزمالك النهائي قبل حسم الأمر".

وشدد: "أحمد فتوح عمره 25 عاما ولعب 23 مباراة مع منتخب مصر، محمد صبحي عنده 24 سنة وأنا عندي حارسين بعتمد عليهم واحد عنده 29 سنة والتاني 24 سنة، ومحمد صبحي حارس سيكون له شأن كبير في الكرة المصرية ومش معنى كلامي إن هيتم استدعائهم كل مباراة".

واختتم فيتوريا تصريحاته: "صبحي لعب مباراة واحدة معايا وفتوح ملعب كتير، لكن أنا باخد الأمور برؤيتي ودماغي وبراعي ضميري، أنا لو شايف لاعب كويس ومفيش حاجة مؤكدة تسمح إني استبعده ليه اعمل كدة، لكن لما تظهر النتيجة وقتها نشوف".