عمرو وردة: «أنا مريض نفسي والناس مبهدلاني.. لكن ربنا بيغفر»
كشف عمرو ورد لاعب فاركو، حقيقة الأنباء التي ترددت أمس الثلاثاء، حول فسخ تعاقده مع النادي السكندري، بسبب عدم الالتزام.
وقال عمرو وردة في تصريحات تلفزيونية عبر برنامج "اللعيب"، المذاع على قناة "إم بي سي مصر": "محدش بيتكلم عني في الإيجابيات، ليه الناس بتتكلم عني كدة بس، لو عايزني أبطل كورة؟، خلاص مش هلعب كورة تاني".
وتابع: "وقت مشكلتي مع المنتخب كان عندي 24 سنة، من وقتها وأنا أتعرض لهجوم غير طبيعي والناس مبهدلاني، رغم أن الجميع يخطئ، والكل بيتكلم عني بأشياء غريبة، وسبب كدة انتقلت لأندية في إيران وقبرص".
وواصل وردة تصريحاته: "وقت وجودي في الرجاء المغربي، تعرضت لتعب ودخلت المستشفى 15 يوم، وتعرضت لتعب نفسي ونوبات هلع، وكل الناس في الرجاء كانوا عارفين، وانهيت معاهم تعاقدي باحترام".
وواصل: "أتمنى الناس يكونوا جنبي حتى لو حصل مني شيء خاطئ، ربنا بيسامح والله غفور رحيم، وربنا ساتر ناس كتير جدًا واللي بيبتليه بيحبه، ومش غلطة هتدخل النار لأن ربنا بيغفر".
وأوضح عمرو وردة: "أنا بتعالج نفسيًا من فترة كبيرة، هل دا يعطي الناس الحق للحديث عني بشكل دائم؟، وكل الناس في فاركو عارفين مرضي وواقفين بجواري، وهما اللي ربوني وأنا صغير وبيعاملوني باحترام، وواثقين فيا بشكل كبير".
واختتم عمرو وردة تصريحاته: "لو فيه ناس مش عايزة رجوعي للمنتخب مش هرجع، لو عايزني أبطل كورة هبطل، لو عايزين تخلصوا عليا، خلصوا عليا ولو هى كدة همشي من البلد تاني لإني تعبان نفسيا".
