أسما شريف منير: «الحياة اتغيرت في عيني بعد أحداث 7 أكتوبر»
نشرت أسما شريف منير فيديو، تتحدث فيه عن أحداث يوم 7 أكتوبر وما ترتب عليه في فلسطين، وما يحدث من قبل الاحتلال الإسرائيلي من جرائم بحق المدنيين في قطاع غزة.
وتابعت أسما شريف منير في الفيديو الذي نشرته قائلة: "الحياة مبقتش زي ما هي بعد 7 أكتوبر كل حاجة اتغيرت كل الناس اتغيرت بيتهيألي إن مفيش حاجة بقت زي ما هي كل الحاجات بقيت بشوفها بشكل مختلف وكل حاجة بقيت بحسها بشكل مختلف 7 أكتوبر غيرالعالم كله".
وأضافت: "بقيت حاسه إن بقدر كل نعمة إعتدتها إئتلاف النعمة دا من أخطر الحاجات اللي الواحد ممكن يعدي بيها، ومن اللي بيشوفه بقيت حاسه إن أقل حاجة هي أهم حاجة كل واحد فينا بقى عليه مسؤولية رغم إحساس العجز الصبر على الشدائد والإبتلاء لما بتشوفهم عندهم المشاكل الكبيرة أوي دي بحس إن مشاكلي بتصغر في عيني وبحس الدنيا خلاص مبقتش مستاهلة مبقتش أشوف أي حاجة زي الأول".
واستكملت: "فاكرة أيام محمد الدرة لما كنا نتكلم عن القضية الفلسطينية يقولولنا هما باعوا أرضهم هنعمل إيه يا ترى لسه شايفين ان هما باعوا أرضهم بيتهيألي بعد اللي شوفناه دا كله كل يوم الناس اللي بتموت عشان تراب بلدها مستحيل يكونوا باعوا أرضهم أبدا".
