شاهد.. عمرو أديب يوجه رسالة لمجلس الوزراء: محدش هيتعامل بالجنية امنعوا الدولرة
حذر عمرو أديب أثناء في برنامجه "الحكاية" على قناة إم بي سي مصر، والذي يتم بثه مباشرة من الرياض، من موضوع الدولرة والتعاملات بالدولار في الشارع المصري، منعًا لزيادة التضخم بمصر، متحدثًا بالعامية قائلاً: خليكوا فاكرين..موضوع الدولرة في الشارع ده لو ما اتمنعش ماحدش هيعرف يقف قصادهم ولا يوقفهم..دي رسالة لمجلس الوزراء المصري.
وتابع أديب: أنا بوجه رسالة لمجلس الوزراء امنعوا هذا الأمر، بلاش تستوردوا أجهزة كهربائية من الخارج، احنا عندنا شركات مصرية محترمة محلية وعندها نفس المنتجات، فلا تسمحوا بهذا وخدوا بالكم أي ضخ دولار هيجي من بيع أو أي شئ خارجي مسيره يروح وهيتبلع في السوق، كل التعاملات أصبحت بالدولار وسيلغى التعامل بالجنية.
وأكمل "مذيع الحكاية" التضخم في مصر مش ناقص، سعر الجنيه في مصر أصبح صعب للغاية، ومن عام فقط كان الدولار بـ18 جنيها فقط، ورسالتي لمجلس الوزراء الأمر في أيديكم.
ووجه عمرو أديب رسالة لمتابعيه "أنا بقالي 3 سنوات مقولتش ليكم حاجة خطأ، وكل اللي قولته طلع صح وبنعيشه دلوقتي"، والفرصة لسه في إيد مجلس الوزراء أوقفوا ما يحدث.
