محدش ييجي يعايرنا.. عمرو أديب: النهارده وإمبارح نزل 30 مليون مواطن يسندوا الدولة

علق الإعلامي عمرو أديب، على الإقبال الكبير للمواطنين أثناء التصويت في الانتخابات الرئاسية، معلقا: "محدش يجيي يعايرنا بالديمقراطية أدي نسبة المشاركة بتاعتنا، تخطت الـ 45%".

وقال "أديب"، خلال برنامجه "الحكاية"، المذاع على قناة إم بي سي مصر: "الهيئة الوطنية النهارده بتتكلم على 30 مليون مواطن نزلوا ينتخبوا، دولة بحالها، ده غير المواطنين اللي بيتحركوا في مناحي أخرى".

وتابع: "اللي يقول ده كتير، لا مش كتير، هو إحنا بلد تعبانة؟ في إحساس واضح أن الشعب محتاج يسند دولته، لأن الانتخابات مظهر من مظاهر الدولة، الشعب بيقول أنا نازل أقول للدولة أنا معاكي وساندك".

وأكمل: "وواضح جدا دور كوادر الأحزاب وهي واقفة في الشارع بتنظم وتقولك لجنتك فين وتساعدك".