كاملة أبو ذكري: «نفسي أشتغل مع كريم عبدالعزيز ومحمد رمضان»
أكدت المخرجة كاملة أبو ذكري أنها تتمنى العمل مع كريم عبد العزيز ومحمد رمضان، وأوضحت حقيقة رفضها التعاون مع النجم تامر حسني.
وكشفت كاملة أبو ذكري في تصريحات لها ببرنامج حبر سري مع أسما إبراهيم قالت فيها: "اشتغلت مع نجوم كتير بس نفسي أشتغل مع كريم عبد العزيز، لإني ما اشتغلتش معاه خالص، ونعرف بعض من عمر طويل ووالده أستاذي واشتغلت مع نجوم الجيل ده وأنا وكريم طلعنا مع بعض".
وتابعت: "ما اشتغلش مع محمد رمضان هو أصغر من جيلنا، وأكيد هو ممثل كبير وقعدت معاه مرة وحسيت إن فيه كيميا بينا والروح بينا مش تقيلة على بعضها، وحبيته جدًا وأتمنى نشتغل مع بعض".
كما أوضحت كاملة أبو ذكري حقيقة التصريح المنسوب لها بأنها رفضت العمل مع النجم تامر حسني، إذ قالت: "عمري ما قلت أرفض الشغل مع تامر حسني، هو نجم كبير وبحب أفلامه وأغانيه وعنده قبول كبير على الشاشة وبتمنى أقابله صدفه، أنا من جماهير تامر، وبحبه جدًا وعنده قبول وطيبة ونجم كبير في السينما والفن".
