«ربنا استجاب دعائي».. التعليق الأول من شهيرة بعد حادث ابنها
حرصت الفنانة القديرة شهيرة، أن تعلق على حادث ابنها السيناريست عمرو محمود ياسين، وذلك من خلال صفحتها الرسمية عبر موقع التواصل الاجتماعي «فيس بوك».
وكتبت قائلة: «الحمدلله والشكر لله انك نجيت ابني يارب وسمعت دعائي أمبارح، أنا إمبارح وقفت في الشباك الفجر ودعيت ربنا يحفظه ويحميه عشان خايفه عليه لأنه مش بينام في اليوم إلا ساعتين وبقاله على كده كده أكتر من أسبوع بيكتب ويروح التصوير عشان يطمن على كل التفاصيل».
وأضافت: «إرهاق جسدي وذهني غير إنساني وعشان كده كنت خايفه عليه وطبعًا مجاش في دماغي أنه هيعمل حادثه وانا بدعيله وأقول يارب احفظه بعينك التي لاتنام احميه من كل شر يارب بحق أسمك الأعظم الذي إذا دعينا به أجبت».
واختتمت شهيرة، حديثها قائلة: «كل ده بيحصل لأنه ياجماعه في حاله إرهاق رهيبه لأنه بيعرض علي الهوا نصيبي وقسمتك لكن أنه يحصله حادثه اتاريني يارب كنت بدعي وحاسه أن في خطر عليه صحيًا لكن حادثه يارب بشكرك وبشكر فضلك عليا يارب تمم علي خير هو نايم دلوقتي مقدرش حتي يعمل أشاعه يارب لما يعملها يبقى خير يارب دعواتكم بالستر طبعا الحادثة نام وهو سايق أسترها يا أكرم الأكرمين يارب».
