يسرا: «عايزة أبقى مستورة ومش مديونة لحد وارتبطت بشخص غلط في حياتي»
كشفت الفنانة يسرا خلال ندوتها التي أُقيمت ضمن فعاليات مهرجان الجونة السينمائي عن الكثير من تفاصيل حياتها الشخصية والفنية.
وقالت يسرا خلال الندوة: "الحب هو كل حياتي أنا معرفش أقعد مع ناس مش بحبهم، الحب اللي بجد معناه قوي واللي يعرف يحب يعرف يسامح ويتغاضى، وحبيت كتير بس أكبر حب في حياتي بدون شك هو خالد زوجي، ده حب عمري، وكنت متسرعة وارتبطت بشخص غلط في حياتي من قبل".
وأضافت: "علاقتي بالفلوس بتتمثل في إني مش عايزة أحتاج حد، وعايزة أبقى مستورة ومش عايزة حاجة من حد ولا أبقى مديونة لحد، وعلاقتي بربنا هي اللي قوتني في كل ظروف حياتي وإيماني بالله أكبر سند ليا".
كما كشفت يسرا أنها تلقت عروض فنية من هوليود وفرنسا، ووصل أجرها إلى مليون دولار في وقت لم يكن هذا الرقم يذكر كثيرا من قبل ولكنها لم تحب الأدوار، وكان ترتيبها سيكون متأخرا، وتابعت: "ليه أوافق وأنا رقم واحد في بلدي بناسي وجمهوري وليه أختار أدوار مش حباها".
