السيسي يطالب بتقنين أوضاع هذه المصانع: «تعالوا نشتغل سوا»
طالب الرئيس عبد الفتاح السيسي بتقنين أوضاع المصانع غير المرخصة، قائلًا: "كل يومين أبص آلاقى وزارة الداخلية ماسكة مصانع بدون ترخيص".
وقال السيسي، خلال افتتاحه لعدد من المشروعات التنموية بمحافظة قنا: "قولت يا جماعة دي ناس حاولت تشتغل حتى لو كانت طريقتهم مش مظبوطة طيب أنا أخليه مظبوط، أشرعنه وأقنن وضعه".
وتابع: "مش عايزين حد مننا يغلط أو يكون في مواجهة القانون وإحنا لم نتصيد الغلط أو الخطأ لأحد، ومع الكل في محاولة الصح مش الغلط".
واستكمل الرئيس موجهًا حديثه للواء محمود توفيق وزير الداخلية: "إحنا نساعد المخالفين ونقول لهم إحنا مسكناكم غلط ومخالفين وتعالوا نعمل الصح نقنن لهم الأوضاع، ودي فرصة للمشاركة في السوق وتعالوا نشتغل سوا".
