نجيب ساويرس: أزمة العملة تكررت عدة مرات في مصر وكل تأخير في تعويم الجنيه مضر

قال رجل الأعمال المهندس نجيب ساويرس: "أزمة العملة تكررت عدة مرات في مصر دون استفادة في المعالجة المتعلقة بترك سعر الدولار للعرض والطلب".

وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": “كل تأخير في تعويم الجنيه مضر، وفيه ناس بتحول أموالها على سعر 50 جنيها للدولار وفيه ناس ما بتحولش لأنها منتظرة وصول السعر إلى 52 جنيها”.

وتابع: "لو أنا جيت وقلت اللي معاه دولارات أنا هشتريها منه بسعر 50 جنيها زي ما هو في السوق الموازي، بالتالي اللي حاطط الدولار تحت البلاطة هيحوله علطول، وتحدث انفراجة، الأسعار في الأساس ارتفعت ومحدش يقدر يحارب السوق".

وأكمل: “السوق سيظل عرض وطلب، وما تخلقش اللي يحارب السوق، البنك المركزي كان عنده احتياطي نقدي ومتحركش والمسألة بحاجة إلى شجاعة في القرار والناس بتحول دلوقتي على 50 جنيه، وفي ناس برة مش عايزة تيجي تستثمر لأنها بتقول إزاي آجي على سعر 30 جنيه للدولار وهو بـ50 جنيه”.

وأوضح: "المشكلة محتاجة قعدة ناس متخصصين لوضع الحل المناسب، ودائما التأخر في القرار يكلفنا الكثير والتاريخ شاهد على ذلك".