السيسي ممازحًا وزير الكهرباء: «أي حاجة بيعملهلنا من غير مقابل وأنا حابب الحكاية دي»
قال الرئيس عبد الفتاح السيسي إن الدولة كانت تعاني كثيرًا في مجال الطاقة والكهرباء خلال السنوات الأخيرة.
وأضاف السيسي خلال كلمته في أثناء افتتاح عدد من مشروعات الكهرباء في الصعيد: «بنتكلم على جهد وزارة كان وما زال، على رأسها عالم جليل فاضل قدر يحقق نقلة كبيرة جدًّا.. كنا بنمر بظروف صعبة جدًّا في الطاقة والكهرباء، لكن الحمد لله بنعدي ده».
وتابع: «عايزين تبقى مصر فيما تخص الطاقة الكهربائية زيها زي أي دولة متقدمة جدًّا في المجال؛ لأن الدولة اللي مش جاهزة هيفوتها التقدم، وده لمصلحة الشعوب».
وأكمل: «عايزين مجال الطاقة في مصر يكون أرقى مما يمكن».
وأوضح خلال حديثه: «دكتور محمد شاكر وزير الكهرباء كان ليه مكتب كبير جدًّا، اسمه مكتب شاكر، وأول ما قولناله تعالى معانا، لم يسمح لشركته بالدخول مع أي حاجة في الدولة أو القوات المسلحة».
وأردف ممازحًا وزير الكهرباء: «وأي حاجة بيعملهلنا بتبقى من غير مقابل، وأنا حابب الحكاية دي».
